تقدم (الرافضة)…

انا عندي سؤال ح أسألوا واجاوب عليهو برااي

لو في مجموعة من تقدم طرحت فكرة تكوين حكومة
منفى بعيدة من الجيش والدعم

مهمتها الاساسية ايقاف الحرب
ونزع شرعية حكومة بورتسودان … البحصل انو المجموعة دي ذاتا ح ترفض الفكرة نهائيا وبرضو تقول احسن نتفرتق …
تقدم دي صراحة جسم اتولد متوفي
عاوز زول واحد ينبهني انو تقدم اتخذت خطوه واحدة بس قوية تجاه ايقاف الحرب
كلو
نشجب وندين ؛ والكيزان اشعلوا الحرب ونطالب بوقفها
واستعادة المسار الديمقراطي .

الشغل دا كلوو امنيات طبعا
وتقدم في عقلها الباطن ما عندها تصور في حل من غير الجيش ..
وفعليا هي قاعدة تحنسوا بس

و تسعى للعودة للسلطة بمشاركة برهان .
وواحد من جهابزة الرافضين لفكرة الحكومة ؛ قبل اقل من شهرين وضعوه على رئاسة لجنة محدودة التفويض بعد ايام جا قال ليهم انا عندي اتصالات مع برهان !!!!

تقدم (الرافضة) تاهت وتقطعت بها السبل

وستكون زيرووو ..
فهي تهادن برهان وجيشه

ولو ما برهان ما كان الاعتصام اتفض ولو ما برهان ما كان

كل ثعابين الكيزان وضعوا العراقيل لحكومة الثورة
ولو ما برهان ما كان قام الانقلاب ولو ما برهان ما كان فشل الاطاري ولو ما برهان

ما كان الحرب قامت ..
وللمعلومية تقدم (الرافضة) للحكومة ياها المجموعة الوقفت ضد حمدوك لما عاد رئيس وزرا بدونها وحرشت ليهو الشارع

واقسم بالله العظيم في تلك الايام حدثني ضابط امن هو الان بين يدي الله

قال لي ايام المظاهرات وحمدوك رئيس للوزراء بعد عودته الثانية

جاتنا تعليماات لو المتظاهر كفتكم ما تسألوه خالص
المجموعة (الرافضة ) هي كانت اضعف حلقات الانتقال اخطاءهم بالجملة ومردودهم ضعيف وكلامهم كتير وهم من البوا الشارع ضد حمدك ..
وحتى عند تكوين تقدم قبل الاجتماع بساعات ما كانت جيت حمدوك مضمونة ونسبة
مشاركتو ضعيفة
ومنهم من وقف ضد رئاسة الرجل للمجموعة .

نواصل …..

سامي الطيب